LIZAGASAR SAGARTOKIXA -

Kaixo!
Asier eta Ane gara, lehen sektorearekiko interesa partekatzen duen Elgoibarko bikote gaztea. Hori dela eta, 2020. urtean, ilusio eta gogo handiz gure proiektua martxan jarri genuen; LIZAGASAR proiektua.
Sagarra lantzen artisauak gara eta gure helburu nagusia, sagarretik ahal den produktu gehien lortzea da; kalitatezko artisau sagar produktuak ekoiztea, hain zuzen ere. Horretarako, 3 hektareatan 2100 sagar zuhaitz landatu ditugu, denak bertako barietateak izanik eta hauek lantzeko, nekazaritza ekologikoaren aldeko apustua egin dugu. Horrez gain, sagarra produktu ezberdinetan eraldatzeko eraikin bat eraiki dugu.
Beraz, LIZAGASAR proiektura ongi etorria ematea besterik ez zaigu geratzen eta nola ez, guk bezain beste disfrutatzea espero dugu. ONGI ETORRI!

LIZAGASARREN uneoro ikertzen aritzen gara, ideia berritzaileak izateko eta aldi berean, gure proiektua garatu eta lehen sektorea indartzeko.

SAGARRA ETA BERE INGURUKO FAKTORE GUZTIAK IKERTZEN DITUGU

LIZAGASAR sagarraren gunea da, sagartokia, eta bertan sagarra ikertzen dugu etengabe; izan ere, gure helburuetako bat sagarretik ahal den produktu gehien ekoiztea da. Une honetan, 9 sagar produktu ezberdin ekoizten ditugu eta beste hainbat laborategi fasean daude. Prozesu hau, bakarrik edo beste artisau batzuekin elkarlanean eramaten dugu aurrera.

BIODIBERTSITATEA SUSTATZEN DUGU

Gure sagastia lantzeko nekazaritza ekologikoan sinisten dugu eta prozesu honetan, biodibertsitatea sustatzea da gakoa. Horretarako, aurrera eraman ditzakegun ekintzak zeintzuk izan daitezkeen ikertzen dugu; adibidez, sagastian zehar txori zein saguzar habiak jarri ditugu eta onuragarriak diren intsektuak erakartzeko landare desberdinak landatu ditugu.

GURE ETIKETAK ZUK NAHI BEZALA PERTSONALIZATUKO DIZKIZUGU

Etiketa pertsonalizatuak egiten ditugu, zuk nahi duzun diseinuarekin: enpresako ekitaldietarako, oparitzeko, ezkontza eta urteurrenetarako,... Zuk esan zertarako nahi duzun eta guk diseinua egingo dizugu!

ZURE BEHARRETARA EGOKITZEN GARA

Guretzako talde/kontsumitzaile bakoitza bakarra da eta hori dela eta, zure beharretara egokitzen gara, zerbitzu pertsonalizatu bat eskainiz.

ETENGABE PRESTATZEN/FORMATZEN ARI GARA

Gizartea etengabe aldatzen ari den fenomeno bat da eta ondorioz, behar berriak sortzen dira uneoro; eta lehen sektorearekin ere gauza bera gertatzen da. Hori dela eta, LIZAGASARREN etengabeko formakuntzaren garrantzian sinisten dugu.

NEKAZARITZA 4.0.

LIZAGASARREN teknologia eta artisautza uztartzen ditugu, bi alderdien onurak jasoz baina aldi berean, bi alderdien esentzia mantenduz. Izan ere, argi dugu norantz jo nahi dugun jakiteko, ezin dugula ahaztu nondik gatozen.

100%

KALITATEZKO PRODUKTU EKOLOGIKOAK EKOIZTEN DITUGU

100%

INGURUNEA ERRESPETATZEN DUGU

100%

EKOIZLE-KONTSUMITZAILEAREN ARTEKO HARREMANA ZAINTZEN DUGU

100%

AUTOKONTSUMOA EGUZKI PANELEKIN LANTZEN DUGU

6/05/2020

Euskadi Basque Country Gastronomika

LIZAGASAR SAGARTOKIXA da sagarra artisau moduan lantzen dugun lekua. Horretarako 3,5 hektarea sagarrondo ekologiko ditugu (denak bertako barietateak izanik) eta biltegia bertan sagarra produktu ezberdinetan eraldatzen dugu: sagardoa, sagar zukua, sagar ozpina, sagar gozokiak, sagar marmelada, sagar saltsa, sagardo pattarra. eta sagar zukuarekin egindako gailetak eta magdalena.

Irakurri gehiago

7/05/2024

Lizagasar Challenge: sagarrondoen arteko erronka Elgoibarren

Elgoibarko Lizagasar sagardo fabrikako sagarrondoen landaketa izango da larunbat honetan Lizagasar Erronkaren II. 12:00etatik 14:00etara bere lehen kapitulua biziko duen ekitaldia da, eta bertan Azkue-San Roke auzoan kokatuta dagoen sagardotegi honetako upategi berria ikusteko aukera izango da bertan egiten diren produktuak dastatu (sagardoa, sagar zukua, marmelada,...). Erronka bera 17:30ean hasita zenbakien banaketarekin hasiko da Lizagasarren. Ordubete beranduago lasterketa hasiko da, proba zorrotza sagarrondo ilarek mugatutako zortzi kilometroko ibilbidean. Korrikalariek gora-behera segidan ibiliko dira haietatik, 750 metroko desnibel positiboa pilatu arte. Ekitaldian hogeita hamar korrikalarik inguruk hartuko dute parte, tartean CATT Morkaikoko kideak, probaren antolatzailea, eta Lizarpe, baita gonbidatutako beste kirolari batzuk ere. Proba eta sari banaketaren ostean, txarangak alaitutako pintxo-poteaz gozatzeko aukera izango da. Iñaki Goenaga izan zen gizonezkoetan lehen edizioko irabazlea, 53:01eko denborarekin, eta Lorea Totorika izan zen azkarrena emakumezkoetan 1:11:38ko denborarekin.

Irakurri gehiago

10/02/2024

“Denbora ematen diogu sagardoari Lizagasarren, ardoa bezalatreatzen dugu”

Asier Lizarralde eta Ane Munin Lizagasar sagar-tokiaren (www.lizagasar.com) proiektuan atzean dauden bi gazte elgoibartar dira. Orain bost urte hasi ziren forma ematen gaur egun Azkue auzoan gauza-tzen ari diren egitasmoari. Argi proiektuak baserriaren munduari lotuta egon behar zuen behar zuen, eta are argiago sagar mundua izan zuten, behar luketen jardueraren ardatz nagusia Asier Lizarraren familian errotuta zegoen sagardoa egiteko tradizioari jarraipena emateko asmoarekin.

Irakurri gehiago

Eusko Jaurlaritzaren funtsekin finantzatutako proiektua

Proiektu hau Eusko Jaurlaritzaren diru-laguntzekin finantzatuta dago (PDR Euskadi 2023-2027)

Irakurri gehiago

Lizagasar

+34-620578406 - Asier
+34-699133939 - Ane
lizagasar@gmail.com
Aldez aurretik hitzordua eskatu. Deitu iezaguzu lasai!